Batxilergoko lehen mailako ikasleek Atapuercako parke arkeologikoa eta Burgosko Giza Eboluzioaren Museoa bisitatu genuen. Goizean, in situ ezagutu genituen giza eboluzioaren teoria irauli duten aurkikuntzak. Arratsaldean, Burgosko Giza Eboluzioaren Museo modernora joan ginen. Bertan jatorrizko aztarnak ikusi genituen, eta neurobiologia, paleontologia eta antropologia bezalako zientzietan izandako azken aurrerapenen berri eman ziguten.
Berriak
LAN-JARDUN BIKOITZAK.EMAKUMEEN LANAK
Martxoaren 3an ” Lan-Jardun Bikoitzak.Emakumeen lanak” erakusketa inauguratu zen Zizurko Kultur Etxean. Bertan izan ziren Patxi Ozkoidi, BHIko zuzendaria, Maider Landa, Zizurko Udaleko Berdintasun teknikaria, Elena Petri, zinegotzia, María Castejón leorza eta Mikel Olazar, Geografia eta Historia Sailekoa. Erakusketa goizez eta arratsaldez bisitatu ahal izango da martxoaren 3tik 20ra bitartean. Zuen ikasleengana joatera animatzen […]
TXAPELDUNAK
Zizurko Ardoi Pilota klubeko MARKEL PEREZ BUENO (13K) eta OIER GOÑI AZNAREZ (13K) bikoteak Nafarroako Trinkete Txapelketa irabazi du, kadete mailan, Ardoiko ENEKO ERASO MONREAL (14L) eta AIMAR GOMEZ BASURTO (13L) beste bikoteari, joan zen larunbatean, hilak 4, Mendillorrin jokatu den finalean 30-22 irabazi eta gero. Zorionak guztiei!
Iruñea
Otsailaren 23an, Artearen Historiako 2. batxilergoko ikasgaiko ikasleekin irteera egin genuen Iruñera, bertan Nafarroako Museoa eta Katedrala bisitatu genituen. Gainera, ibilbide laburra egin genuen Iruñetik barrena udaletxea, San Nicolas eta San Saturnino elizak bisitatuz.
Ekainberri museoa
Otsailaren 8an Ekainberri museoa bisitatu genuen DBH 1. mailako D ereduko ikasleok. Bertan Paleolito garaiko labar pinturak ezagutu genituen eta ehizatzeko teknikak praktikatzeko aukera izan genuen.
LEONERA BATXILERGO 1EKO ERLIJIOKO IKASLEEN KULTUR IRTEERA
Inauterietako etenaldia aprobetxatuz, otsailaren 22 eta 23an, Batxilergoko 1. mailako Erlijioa ikasten ari diren ikasleek, Leongo hiri-txaleta bisita kulturala egin zuten. Bizikidetza giro onean, San Isidoro Museoa eta Kripta, VII Legioaren Interpretazio Zentroa, Katedrala, Casa Botines barruko Picasso Erakusketa, Guzmanes Jauregia, eta hiriko alde zaharra bisitatu zituzten. Bideko Andre Maria […]
BIDAIARI BATEN HERIOTZA
Otsailaren 27an, astelehena, Batxilergoko 1. mailako Literatura Unibertsaleko ikasleak Gayarrera joan ziren Arthur Millerren Muerte de un viajante obraren eszenaratzea ikustera. Imanol Ariasen eskutik eta Ruben Szuchmacherren zuzendaritzapean, 1949ko New Yorkera joan ginen Willy Loman eta bere familiarekin, amets amerikarraren benetakotasunari buruz hausnartzeko. Kapitalismo basati baten ankerkeria, bete gabeko ametsek eragindako frustrazioa, gurasoek eta seme-alabek […]
3. DIBERTSIFIKAZIO KURRIKULARRA
Dibertsifikazio kurrikularra 3. mailako ikasleek PMARreko ikasle ohien bisita jaso dute. Ikasle horiek LHko oinarrizko eta erdiko mailan izandako esperientzia kontatu dute, eta nolakoa izan den lan munduan murgiltzea.
Zientzia dibulgazioari buruzko hitzaldia: adimen artifiziala
Otsailak 17an batxilergoko 2. mailako Zientzien ibilbideko ikasleek Adimen Artifizialari buruzko zientzia-dibulgazioko hitzaldi bat izan zuten. Hizlariak Humberto Bustincek, Estatistika, Informatika eta Matematika Saileko NUPeko katedradunak, Adimen Artifizialaren historia eta industrian, medikuntzan edo ikerketa zientifikoan izan dituen aplikazioak aztertu zituen, eta eguneroko adibideak erakutsi zituen, non IAren erabilerak funtsezko papera duen.
Zubietako Inauterietara
Zizur BHIko Musika Departamentuak Zubietako Inauterietara irteera antolatu zuen urtarrilaren 31an, asteartean, D ereduko DBHko 3. mailako ikaslego eta DBHko 4. hautazkoa dutenekin. Lehenik eta behin, Ituren eta Zubieta arteko “Uraren ibilbidearen” zatia egin zen. Behin herri honetara iritsita, Ituren eta Zubietako joaldunen desfileaz eta inauterietako gainontzeko parte-hartzaileen giroaz gozatu genuen.