Asteon, urriaren 24ean Liburutegiaren Eguna dela oroituz, ikasleek irakurketarako proposamen bat ekar dezakete atsedenaldian eta, ordainetan, txokolatezko txanpon sinboliko bat jasoko dute. Gomendioak institutuko sarrera nagusiko iragarki-taulan jarriko dira ikusgai. Ekimena sustatzeko 4.Bko Irati Vazquez ikasleak horma-irudi aparta egin du. ¡Eskerrik asko guztioi parte hartzeagatik!
Berriak
SURF-A FRANTSESEZ
Gorputz hezkuntza frantsesez egiten duten atal elebiduneko 3. eta 4.DBH-ko ikasleak urriaren 16an Hendaiara joan ziren urteroko surf-eko ekintza egitera. Modu honetan, herriko jende eta begiraleekin frantsesez hitz egiteko aukera izan zuten eta aldi berean, jarduera fisikoa natur ingurune paregabe batean gauzatzeko ere bai. Eguraldi zein olatu bikainez gozatu genuen denok.
1936ko errepresaliatuen Ollakarizketako hobira D ereduko 14K eta Lko ikasleen bisita eta esku-hartzea.
Nafarroako Memoria Historikoaren erakundeak bultzaturik, DBHko 4. Mailako D ereduko ikasleek irteera egin dute aste honetan Ollakarizketara, egiten ari diren exhumazioak ikusteko. Aranzadiko arkeologoen azalpenak entzun ondoren exhumazioaren lanetan parte hartu zuten. Momentu oso hunkigarriak bizi izan ziren bertan. Bideoa
Erreniega eta Astrainera irteerak
Aurten ere 1. eta 2.DBH-ko ikasleak ohizko irteera hau egin dute gorputz hezkuntzako irakasle eta euren tutoreekin erlkabizitza sustatzeko asmoz.
BISITA NAFARROAKO KOMIKIAREN AZOKARA
Pasa den astean, irailaren 18an, Literatur Unibertsaleko batxilergoko 1. mailako ikasleek Kondestablearen Jauregian ospatutako Komikiaren Azoka bisitatu zuten. Han, Paco Roca, Max, Francis Bartolozzi edo Sandra Uve bezalako egile garrantzitsuen lan originalak ikusteaz gain, emaitza bikainak ekarri zituen sorkuntza tailer batean parte hartzeko aukera eduki zuten. Agur moduan azalpen ilustrazioak eta komiki-sorkuntzaren gaineko oinarrizko informazioa […]
