Martxoaren 20 eta 26an, gure institutuan UPNAk antolatutako Batxilergoko ikasleentzat bi zientzia-dibulgazio hitzaldi egon ziren. Ekintza hauek, mundu akademiko eta profesionalaren berri emanez, ikasleei zientzia eta teknologiaren gaiei buruzko ikuspegi zabalagoa eta sakonagoa eskaintzea dute helburu.
Lehenengo hitzaldia probabilitateari buruzkoa izan zen, honek gure eguneroko bizitzan duen eragina azaltzeko apustu-jokoak, meteorologia edo kriminologia arloko adibideak jarriz. Bigarrenean, trigonometriaren ibilbide historikoa azaldu zen, mapa diseinuetan eta satelite bidezko kokapen sistemetan honen eragina azpimarratuz.
UPNAri hitzaldi hauek antolatzeagatik eskerrak eman nahi dizkiogu, eta baita hizlariei ere, euren ezagutzak gure ikasleekin partekatzeko edukitako prestutasunagatik.
