Laborategiak
Laborategiak
|
Praktiken antolaketa eta gauzatzea. Laborategiko praktikak talde guztiekin egiten dira, antolaketa ikasmaila eta ikasle kopuruaren arabera izaten delarik. Praktika bakoitza 2-3 laguneko
taldeak egiten du eta ohikoa izaten da lan postuak eta lan taldeak
ikasturte osorako finkoak izatea.Talderen
batean banaketa edo desdoblaketa egiten bada, praktikak astean behin
egiten ohi dira. Ikastaldearen erdia irakasle batekin laborategira
joaten da, eta beste erdia beste irakasle batekin ikasgelan gelditzen
da errefortzu eta zabaltze jarduerak
landuz. Txandaketa izaten da asteka. Desdoblaketa
egiteko irakasle aski ez bada, ikastalde osoa joaten da laborategira,
normalean unitate didaktiko bakoitza bukatutakoan, unitate horrekin
zerikusia duten jarduerak egitera. Egun batean edo bitan unitateko
joan ohi dira.Praktika
egin baino lehen gidoia ematen zaie ikasleei. Bertan helburuak,
jarraitzeko prozedura eta ikasle baloitzak bere koadernoan erantzun
beharko dituen galderak doazkie, gero zuzenduko direnak. Praktikak
ebaluatu eta kalifikatu egiten dira, beti ere ikasmaila eta egiteko
baldintzak kontuan hartuko direlarik. Dena den, irizpideak mintegiko
programazioan agertzen dira eta hau guztia jakinarazi egiten zaie
ikasleei ikasturte hasieran, irakasgaia osatzen duten beste aspektu
guztiak bezalaxe.
|
|
|
Fisikako laborategia Instalazio elektrikoa duten mahai mugikorrak ditu, hiru konketa, neurrian eginiko armairu finko handia eta txikiagoa den beste armairu bat.Armairu finkoan telebista eta bideoa instalaturik daude, Biologia-Geologia eta Fisika-Kimika mintegien erabilerarako. Hainbat arlo ikasi ahal izateko materiala ere badugu, hala nola Mekanika (kronokontagailua, erorketa librea ikasteko aparailua…), Hidrostatika, Optika, Elektrizitatea eta Magnetismoa, baita Uhin Fenomenoak ere (uhin ontzia…). Mintegian ikasten diren gaiei buruzko bideo pelikula batzuk ere baditugu. |
 |
 |
Kimikako laborategia Laborategi hau iaz hornitu genuen eta horretarako altzari profesionalak jarri ziren, hots, Kimikako benetako laborategi batean erabiltzen den materiala. Hiru mahai bikoitz eta bat solte ditu, bakoitzak dagokion konketa eta azpiko armairua duela, instalazio elektrikoa, gasak izateko apalategia eta biltegi moduan erabiltzen diren armairuak. Ur distilagailua, gasen legeak egiaztatzeko aparailuak, ph-ren neurgailua, irabiagailu magnetikoa, Daniell pila, beirazko materiala eta maila eta ziklo guztietara egokitutako praktikak egin ahal izateko erreaktiboak |
